Жирэмсэн эмэгтэйчүүд мацаг барих ёстой юу?

Жирэмсэн болон хөхүүл эмэгтэйчүүд өөрт нь эсвэл хэвлий дэх хүүхдэд нь аюул учрах эрсдэлтэй бол мацгаа түр зогсоож болно.

«Фәтәуаи Һиндия» номонд ингэж бичсэн байдаг: "Жирэмсэн болон хөхүүл эмэгтэйчүүд өөртөө эсвэл хүүхдэдээ хор хөнөөл учрах вий гэж айвал мацгаа тасалж болно. Дараа нь (боломжтой үедээ) нөхөж барина. Мацгаа тасалсаныхаа төлөө кафарат төлөх шаардлагагүй. «Хуласа» номонд ч мөн ингэж бичсэн."

Анас ибн Маликээс (Аллах түүнд сэтгэл хангалуун байх болтугай) уламжлагдсан хадист Пайгамбар (Аллахын энх амгалан, ивээл түүнд байх болтугай) ингэж айлджээ: "Үнэхээр Аллах Таалаа аян замд яваа хүнд мацаг болон намазыг хөнгөлж, (намазыг богиносгож, мацгийг таслахыг зөвшөөрсөн) мөн жирэмсэн болон хөхүүл эмэгтэйчүүдэд мацаг барихыг заавал болгосонгүй (мацгаа таслахыг зөвшөөрсөн)" (Ахмад, Абу Дауд, Тирмизи, Насаи, Ибн Мажа).

Ямар нэгэн өвчтэй хүмүүс (эдгэрсний дараа), аян замд явсан хүмүүс (буцаж ирсний дараа), хайз, нифас зэрэг шалтгаантай эмэгтэйчүүд (хугацаа нь дууссаны дараа), жирэмсэн болон хөхүүл эмэгтэйчүүд (хөхүүл үе дууссаны дараа) мацгаа нөхөж барина.

Аллах Таала «Бақара» сүрэгийн 184-р аятад: "Парыз мацаг бол тоотой, тодорхой өдрүүдэд л баригдана. Та нарын дунд хэн нэгэн өвдсөн эсвэл аян замд явж байгаад мацаг барьж чадаагүй бол (тасалсан өдрүүдээ) өөр үед нөхөж бариг" гэж айлдсан. Имам Бухари номынхоо «Айяман магдудат» (Тоотой өдрүүд) бүлэгт энэ үгийг: "Хөхүүл эсвэл жирэмсэн (эмэгтэй) өөртөө эсвэл хүүхдэдээ (хор хөнөөл учрах вий гэж) айвал хоёулаа мацгаа тасалж болно, дараа нь (боломжтой үедээ нөхөж) барина" гэж тайлбарласан.

Гэхдээ жирэмсэн болон хөхүүл эмэгтэй мацаг барьж чадах бол мацаг барих нь зөв. Аллах Таала: «Хэрвээ та нар мэдсэн бол мацаг барих нь та нарт илүү сайн» гэж айлдсан («Бақара» сүрэг, 184-р аят).

Тиймээс жирэмсэн эсвэл хөхүүл эмэгтэйчүүд боломжтой бол мацгаа хойшлуулахгүй, цагтаа барих нь зөв. Гэхдээ мацаг барих нь өөрт нь эсвэл хүүхдэд нь хор хөнөөлтэй бол, мөн үүнийг найдвартай, мэргэжлийн эмч зөвлөж байвал мацгаа түр зогсоохыг шариат зөвшөөрдөг.

Хасан АМАНҚҰЛ