Кадир шөнө юу хийх ёстой вэ?

Кадир шөнө дараах үйлдлүүдийг хийх нь мустахабд тооцогдоно:

• Намаз унших. Элч Мухаммад (түүнд Аллахын энх амгалан, ерөөл нь байх болтугай) хэлсэн нь:

مَن قَامَ لَيْلَةَ القَدْرِ إيمَانًا واحْتِسَابًا، غُفِرَ له ما تَقَدَّمَ مِن ذَنْبِهِ

"Хэн Кадир шөнийг итгэлтэйгээр, шагнал хүлээн (намазд) өнгөрүүлбэл, өмнөх нүглүүд нь уучлагдана" [1] гэжээ.

• Ду'а хийх. Айша эхнээс уламжлагдсан нэгэн риваятад тэрээр ингэж хэлсэн байдаг: "Аллахын элч ээ! Хэрвээ би Кадир шөнөтэй таарвал ямар ду'а хэлэх вэ?" гэж асуухад, Элч Мухаммад (түүнд Аллахын энх амгалан, ерөөл нь байх болтугай) ингэж хэлсэн:

اللهمَّ إنك عفوٌّ تُحبُّ العفوَ فاعفُ عنِّي

"Аллахумма иннака афуун тухиббул-афва фағфу анни (Аллах минь! Та уучлагч бөгөөд уучлахыг хайрладаг. Намайг уучлаач)" гэж хэл" [2].

Мөн түүнчлэн, Куран унших, Аллахыг дурсах, Элч Мухаммад (түүнд Аллахын энх амгалан, ерөөл нь байх болтугай)-д салават илгээх, садака өгөх зэрэг сайн үйлсийг хийх нь сайн.

"Рамадан сарын мацагтай холбоотой фатва" номоос

• [1] Бухари, №1901.

• [2] Термизи, №3513. Ибн Мажа, №7712. Ахмад, 25384.