Намаз хийсний дараа дотуур хувцсан дээр чийгтэй байвал яах ёстой вэ?

Жижиг бие зассаны дараа шээсний сүвэнд үлдэж болох шээсний дусал, гоожилтыг бүрэн зогсоохын тулд хэсэг хугацаанд хүлээж, дараа нь бие дээрх шээсний үлдэгдлийг цэвэрлэх үйлдлийг фиқхийн хэлээр “истибра” гэж нэрлэдэг. Ялангуяа эрэгтэйчүүдэд истибра чухал ач холбогдолтой. Хэрэв шээс задгайрах өвчин байхгүй бол шээс гоожсон тохиолдолд угаасан тахарат хүчинтэй болохгүй. Иймд шээс биеэс бүрэн гарахыг хүлээж, энэ зорилгоор бага зэрэг хөдөлж, алхах эсвэл ханиах хэрэгтэй. (Ибн Абидин, Reddü’l-muhtâr, 1, 344-345) Учир нь Пайгамбар (с.а.в) “Шээснээс болгоомжил, учир нь булшны шийтгэлийн ихэнх нь шээснээс болгоомжлоогүйгээс болдог.” (Даркутни, es-Sünen, 1/232-233 [464-466]; мөн үз. Бухари, Вуду’, 55 [216]; Муслим, Тахарат, 111 [292]) гэж айлдсан байна.

Иймд истибра хийсэн ч намаз хийсний дараа дотуур хувцсан дээрээ чийгтэй байгааг харсан хүн энэ нь шээс гэдгийг мэдэхгүй бол цэвэрлэхдээ хэрэглэсэн цэвэр усаас болсон гэж үзэж, сэжиглэх хэрэггүй. Хэрвээ тухайн хүн сэжигч нэгэн бол истибра хийсний дараа эрхтэн болон хувцсан дээрээ бага зэрэг цэвэр ус цацаж, дараа нь харагдах чийгийг шээстэй бус, энэ устай холбон ойлгохыг зөвлөсөн байдаг. (Ибн Нүжейм, el-Bahr, 1/252; el-Fetâva’l-Hindiyye, 1/49) Гэвч хүн намаз хийсний дараа хувцсан дээрээ харсан чийг нь намазнаас өмнө эсвэл намазын үеэр гарсан шээсний дусал гэдгийг мэдэж, гарсан мөчийг нь санаж байвал тэр тохиолдолд тахаратгүйгээр намаз хийсэнд тооцогдоно. Учир нь шээсний сүвнээс гарсан шингэн тахаратыг эвддэг бөгөөд тахаратгүйгээр хийсэн намазыг дахин хийх ёстой. (Мэргинани, el-Hidâye, 1/17) Мөн чийгний хэмжээ гарын алгаас их бол хувцсаа солих эсвэл бохирдсон хэсгийг угаах шаардлагатай.

Эх сурвалж: T.C. Diyanet İşleri Başkanlığı, Din İşleri Yüksek Kurulu