Намазын загвар бүхий дэвсгэр дээр намаз уншиж болох уу?

Сүүлийн үед намазын загвар бүхий дэвсгэрүүд өргөн тархаж байна. Эдгээр дээр Куран айат, Аллахын нэрс, залбирал зэрэг бичигдсэн байдаг. Мусульман хүн Кураныг болон шариатын бэлгэдлийг хүндэтгэх ёстой. Хэн Кураныг хүндэтгэнэ, тэр Аллахыг хүндэтгэж байна гэсэн үг, харин хэн үүнийг доромжилбол, Аллахыг доромжилж байна гэсэн үг. Аллах Таала Куранд ингэж айлдсан:

ذَلِكَ وَمَنْ يُعَظِّمْ شَعَائِرَ اللَّهِ فَإِنَّهَا مِنْ تَقْوَى الْقُلُوبِ

"Энэ бол. Хэн Аллахын бэлгэдлийг хүндэтгэвэл: эргэлзээгүй, энэ нь зүрхний таквагаас юм" (Хаж сүрэ, 32-р айат).

Омар (Аллах түүнд сэтгэл хангалуун байх болтугай): "Кураныг хүндэтгэцгээ" гэжээ (Куртуби тафсир, 1/29).

Харин дэвсгэр дээр Куран айат, залбирал бичих нь ариун бэлгэдлийг үл тоомсорлосон, түүний нэр хүнд, байр суурийг бууруулсан хэрэг болно.

Пайгамбар (Аллахын энэрэл, амар амгалан түүнд байх болтугай)-ын хадист Кураныг газар, хувцас, дэвсгэр, дэр зэрэгт бичихийг хориглосон олон баримт бий. Тэдний нэг нь Амр ибн Шуғайбаас ирсэн риваят: "Пайгамбар (Аллахын энэрэл, амар амгалан түүнд байх болтугай) Кураныг газар бичихийг хориглосон" гэжээ (Ибн Батта, "аль-ибана", 5/325. Аль-Мустағфири, "Фадайл аль-Куран", 1/200).

Учир нь газар дээр хүн бүр хөлөөрөө гишгэдэг тул тэнд бичсэн Куран хөлд гишгэгдэх аюултай. Энэ нь Кураныг хүндэтгэхгүйд хүргэнэ. Энэ нь том нүгэл юм (Абу Убайд Касим ибн Саллам, "Фадайл аль-Куран", 121).

Камал ибн Хумам: "Куран, Аллахын нэрсийг дирхам, михраб, хана болон дэвсгэр дээр бичих нь макрух" гэжээ (Фатху аль-кадир, 1/173).

Дээрх хориглосон баримтууд нь Куран болон шариатын бэлгэдэл хөлд гишгэгдэхээс сэргийлсэнд оршино. Тиймээс намазын загвар бүхий дэвсгэр дээр намаз унших нь дээрх хоригийн хүрээнд орно.

• Мөн цээжлээгүй сүрээг Куран руу харж унших нь намазыг хүчингүй болгодог (Хашияту ат-Тахтауи, 336)

• мөн зурагтай дэвсгэр дээр сажда хийх нь макрухд тооцогдоно (Нуру аль-идах, 112).

Дүгнэж хэлэхэд, ийм дэвсгэр дээр намаз уншихыг зөвшөөрөхгүй.

Шариат ба фатвагийн хэлтэс