Нас барсан хүний араас уйлах болон гашуудлын шариатын шийд юу вэ?

Нас барсан хүний араас уйлах нь Аллахын хайрласан өрөвч сэтгэлийн илэрхийлэл юм. Пайгамбар Мухаммад (с.а.с.) өөрийн хүү Ибрахим нас барахад уйлж, мөн нас барах гэж байсан ач охиных нь тухай мэдээ сонсоод нүднээс нь нулимс гарсан байна. Учрыг нь асуухад, “Энэ бол Аллахын өршөөл бөгөөд Тэр үүнийг Өөрийн боолуудын зүрхэнд суулгасан юм. Аллах зөвхөн өрөвч сэтгэлтэй боолууддаа өршөөл үзүүлдэг.” (Бухари, Жаназа, 43 [1303]; Муслим, Жаназа, 11,12 [923, 924]; Абу Дауд, Жаназа, 28 [3125]) гэж айлдсан байна. Гэвч нас барсны дараа ард үлдсэн хүмүүс чанга дуугаар уйлж, хувцсаа урж, өөрсдийгөө гэмтээж уйлах нь зөвшөөрөгдөхгүй. Пайгамбар (с.а.с.) “Гашуудалд өртөхдөө зах, ханцуйгаа урж, нүүр болон хацраа цохиж, Жахилийн үеийн зан үйлд уриалдаг хүн бидний нэг биш.” (Абу Дауд, Жаназа, 29 [3128]); “Гараараа нүүрээ цохиж, нүүрээ маажиж, зах, ханцуйгаа урж, өөрийгөө сүйрэлд унагах, гай зовлонд өртөхийг хүсэж залбирдаг эмэгтэй/хүнийг Аллахын өршөөлөөс хол байг.” (Ибн Мажа, Жаназа, 52 [1584]) гэж айлдсан байна.

Эх сурвалж: T.C. Diyanet İşleri Başkanlığı, Din İşleri Yüksek Kurulu