НОХОЙНЫ ТОСЫГ БИЕ ДЭЭР ТҮРХЭЖ БОЛОХ УУ?

Шариатын номлолд нохойн мах, шүлс нь бузар, хориотой гэж тооцогддог. Учир нь нохой нь соёотой махчин амьтдын ангилалд багтдаг.

Энэ талаар Элч Мухаммад (түүнд Аллахын энэрэл, амар амгалан байх болтугай) хэлсэн нь:

كُلُّ ذِي نابٍ مِنَ السِّباعِ فأكْلُهُ حَرامٌ

"Соёотой махчин амьтдыг идэх нь хориотой" [1] гэжээ.

Мөн нохойг зарж олсон мөнгийг ашиглах хориотой тухайд Аллахын Элч (түүнд Аллахын энэрэл, амар амгалан байх болтугай) ингэж хэлсэн:

ثَمَنُ الكَلْبِ خَبِيثٌ

"Нохойг зарж олсон орлого нь хориотой" [2].

Харин нохойн тосыг эмчилгээний зорилгоор хэрэглэх тухайд Ханафи мазхабын дагуу идэхийг хориглосон амьтдын мах болон бусад зүйлээр эмчлэхийг зөвшөөрдөггүй [3].

Ибн ан-Нужайм аль-Ханафи: "Хориотой зүйлээр эмчлэх асуудал нь эрдэмтдийн дунд маргаантай. Гэвч "Аз-Захира" номонд: "Хориотойгоос өөр эм байхгүй, тэр нь тухайн өвчинд үр дүнтэй нь батлагдсан бол хэрэглэхийг зөвшөөрнө" [4] гэжээ.

Мөн Элч Мухаммад (түүнд Аллахын энэрэл, амар амгалан байх болтугай) "Аллах Таала хориотой зүйлд та нарт эм байхгүй" [5] гэсэн хадис нь эм байхгүй тохиолдолд хамаарна [6]. Тиймээс эрдэмтэд халал, цэвэр эм байхгүй, эмч нохойн тосыг хэрэглэхийг зөвлөсөн тохиолдолд зөвшөөрдөг [7].

Тиймээс шударга, итгэлтэй мусульман эмч тухайн өвчний цорын ганц эм нь нохойн тос гэж үзэж, өөр орлох халал эм байхгүй бол эмчилгээний зорилгоор хэрэглэхэд болохгүй зүйлгүй.

Табарак Камит

Жетису мужийн пәтуаг хариуцсан мэргэжилтэн

• [1] Муслим, №1933.

• [2] Муслим, №1568.

• [3] Хашияту ибн Абидин, 1/325.

• [4] әл-Бахру әр-Раиқ шарһу канзу ад-дақаииқ, 1/122.

• [5] Бухари риуаяты.

• [6] Радду әл-Мухтар, 1/365.

• [7] Хашияту ибн Абидин, 7/480.