НУМЕРОЛОГИЯ ГЭЖ ЮУ ВЭ?

Хүний сониуч зан, далд хүчний талаар сонирхох нь байгалиас заяасан шинж юм. Ихэнхдээ үүнийг хувь тавилан, ирээдүйг мэдэх, эсвэл зан чанарын онцлогийг тодорхойлох зорилгоор ашигладаг. Үүний нэг нь өнөө үед нийгэмд өргөн дэлгэрч буй нумерологийн сургааль юм. Нумерологи гэдэг нь байгаль, хүмүүсийн амьдралд тоонууд эерэг эсвэл сөрөг нөлөө үзүүлдэг гэсэн ид шидийн итгэл үнэмшил юм.

Исламын шашны итгэл үнэмшлээр бол ертөнцийн бүх үзэгдэл, өөрчлөлтүүд зөвхөн Аллах Таалын хүсэл зоригоор л бий болдог. Мөн хувь тавилан, ирээдүйг Аллахаас өөр хэн ч мэдэхгүй. Энэ талаар "Ағраф" сүрэгийн 188-р аятад:

«(Эй, Мухаммад) тэдэнд хэл: “Би Аллах хүсээгүй бол өөртөө өчүүхэн ч ашиг авчрах чадахгүй, мөн өөрт ирэх хор хөнөөлийг ч зайлуулж чадахгүй. Хэрвээ би далдыг (ирээдүйг) мэддэг байсан бол (хэзээ ч хохирохгүй) үргэлж ашиг олж, (ирээдүйн аюулаас урьдчилан сэргийлээд) надад ямар ч муу зүйл, гай зовлон ирэхгүй байх байсан”, – гэжээ.

Алдарт мусульман сэтгэгч Ибн Халдун "Муқаддима" бүтээлдээ илбэчид нь жин, шайтаны хүчийг ашигладаг тухай өгүүлсэн. Тэрээр илбэчдийг хэд хэдэн төрөлд хуваадаг. Зарим нь зөвхөн өөрийн хүчэндээ найдаж, зарим нь од эсвэл тоог ашигладаг гэжээ. Ибн Халдун эхний төрлийнх нь зэрэг дээд гэж хэлсэн байдаг.

Нумерологийн сургааль нь бүрэн илбэ биш ч, тоонд суурилсан учраас илбэтэй холбоотой болохыг харуулдаг.

Пайгамбар Мухаммед (түүнд Аллахын энх амгалан, ивээл нь байх болтугай): «Хэн нэгэн мэргэч, илбэчин, эсвэл зөнчид очиж ямар нэгэн зүйл асуугаад, тэдний хэлсэнд итгэвэл, тэр хүн Мухаммедад илгээсэнд үл итгэсэнд тооцогдоно», – гэжээ.

Ибн Халдун тоогоор ямар нэгэн зөгнөл хийх тухайд: «Эдгээр нь бүгд буруу дүгнэлт юм. Тэд (нумерологчид) энэ аргыг оюун ухаан нь бүрэн төлөвшөөгүй хүмүүсийг хуурах зорилгоор ашигладаг» гэжээ.

Түүхэнд дээрх сургаалиар хичээллэдэг зарим шийт болон туйлширсан суфийн урсгалуудын тухай дурдсан байдаг. "Муқаддима" номонд энэ нь дээрх бүлгүүдийн далдыг мэдэх хүсэл тэмүүллээс үүдэлтэй гэж бичсэн байдаг.

Нумерологи болон түүнтэй төстэй бусад далд хүчний сургаалиар хичээллэх, тэдэнд хандахыг шариат хатуу хориглодог. Учир нь энэ нь бидний энэ дэлхийн амьдралд ч, мөнх амьдралд ч ямар ч ашиггүй. Үүнд цаг зарцуулах нь дэмий зүйл юм. Мөн тооны зөгнөлд итгэж, Аллахын хүч чадал, хувь тавиланд эргэлзэх нь их нүгэлд тооцогдоно.

Хасан Аманқул,

Шариатын болон фатвагийн хэлтсийн орлогч дарга