Өргөл өргөх гэж буй хүнд юу хийх нь мустахаб вэ?

Өргөлд өгөх малыг тарган, сайхан төрхтэйг нь сонгох. Хонины хуц, үхэр, тэмээний эм хүйстэйг нь өргөх нь илүү зохистой [1] .

Малыг эзэн нь өөрөө эсвэл сайн нядалдаг хүнд даатгаж нядлах. Пайгамбар (түүнд Аллахын энэрэл, амар амгалан байг) өөрийн охин Фатимагийн нэрийн өмнөөс өргөл өргөхдөө, өргөлөө нядлахын өмнө дэргэд нь байхыг хүсдэг байсан бөгөөд малын анхны цус гармагц өмнөх нүглүүд уучлагддаг гэж хэлсэн байдаг [2] .

Мал нядлахдаа тусгайлан уншдаг дуа хэлэх. Пайгамбар (түүнд Аллахын энэрэл, амар амгалан байг) дараах дуаг уншиж нядлахыг зөвлөсөн:

وجهت وجهي للذي فطر السماوات والأرض حنيفاً وما أنا من المشركين إن صلاتي ونسكي ومحياي ومماتي لله رب العالمين لا شريك له وبذلك أمرت وأنا من المسلمين‏

Би тэнгэр, газрыг бүтээсэн Аллах руу чин сэтгэлээрээ хандаж, Түүнд ямар ч хамсаатан үгүйг хүлээн зөвшөөрч, бүх мөргөл, өргөл, амьдрал, үхэл минь зөвхөн бүх ертөнцийн Эзэн Аллахын төлөө гэдгийг зорьж байна. Түүнд хамсаатан байхгүй. Үүнд би тушаал авсан. Би мусульман хүн [3] .

Малыг зовоохгүй, урьдчилан бэлдсэн хурц хутгаар амархан нядлах хэрэгтэй.

Малыг мохоо хутгаар зовоож нядлах нь макрух. Малыг бүрэн үхээгүй байхад нь арьсыг нь авахыг хориглоно.

Өргөл хийх өглөө хоол идэлгүй, өргөлд зориулсан махаар анх удаа хооллох нь суннат.

• [1] Фәтәуа Бәззазия, 3/156.

• [2] Ибн Хиббан риуаят еткен.

• [3] Мүслим риуаят еткен.