Рамазан сардын үед зорчигч хүн мацаг барихгүй байж болох уу?

Асуулт: Рамазан сард зорчигч хүн мацаг барихгүй байж болох уу? Хариулт: Хэрэв хүн хол замд (ойролцоогоор 90 км) гарсан бол Рамазан сард мацаг барихгүй байх зөвшөөрөгдсөн [1]. Аллах Таала Куран-д ингэж айлдсан байна:

فَمَنْ كَانَ مِنْكُمْ مَرِيضًا أَوْ عَلَى سَفَرٍ فَعِدَّةٌ مِنْ أَيَّامٍ أُخَرَ

«Тэгвэл та нарын дунд өвчтэй эсвэл замд явж байгаа хүн байвал, өөр өдрүүдэд нөхөж барина» [2].

Хэрэв зорчигч өглөөний хоолоо идээд, нар мандахаас хойш замд гарвал тэр өдрийн мацгаа тасалж болохгүй. Учир нь тэр мацгаа гэртээ эхлүүлсэн байдаг. Өөрийн хүслээр мацгаа тасалж болохгүй. Харин замд гарахаасаа өмнө мацгаа тасалбал, мацгийн нөхөх болон цагаатгалын үүрэгтэй болно. Харин замд явж байхдаа мацгаа тасалбал зөвхөн мацгаа нөхнө [3]. Тиймээс мацаг барихыг хүсэхгүй бол нар мандахаас өмнө замд гарах хэрэгтэй.

Асуулт: Зорчигч замаасаа буцаж ирсэн өдөр юу хийх ёстой вэ? Хариулт: Зорчигч гэртээ буюу нэг хотод 15 хоног байхаар шийдвэл мацаг барих үүрэгтэй.

Хэрэв зорчигч өдрийн тал хүртэл (үдийн намазаас өмнө, ойролцоогоор нэг эсвэл нэг хагас цагийн өмнө) гэртээ ирээд, мацаг барихаар санаа шулуудсан бол мацаг нь зөв болно. Харин үдийн намазын дараа ирвэл, хүмүүсийн зэмлэлээс зайлсхийхийн тулд нар жаргах хүртэл юу ч идэж уухгүй байх ёстой. Учир нь зэмлэлээс зайлсхийх нь ваажиб [4]. Рамазан сарын дараа тэр өдрийн мацгийг нөхнө.

Асуулт: Замд явахдаа мацаг барих нь дээр үү, эсвэл мацаг барихгүй байх нь дээр үү? Хариулт: Хэрэв мацаг барих нь зорчигчид хүндрэл учруулахгүй бол мацаг барих нь илүү сайн. Аллах Таала дээрх аятын үргэлжлэлд ингэж айлдсан байна:

وَأَنْ تَصُومُوا خَيْرٌ لَكُمْ إِنْ كُنْتُمْ تَعْلَمُونَ

«Хэрвээ та нар мэдвэл мацаг барих нь та нарт илүү сайн» [5].

Замд явахдаа мацгаа тасалбал зөвшөөрөгдсөн тул шагнал авна. Харин мацгаа баривал бүр их шагнал хүртэнэ. Хэрэв мацаг барих нь өөрт нь эсвэл хамт яваа хүмүүст хүндрэл учруулбал (жишээ нь, хамт яваа хүмүүс мацаг барихгүй, хамт идэж уудаг бол) мацгаа таслах нь илүү зөв [6].

«Рамазан мацагтай холбоотой фатва» номоос

• [1] «Фатху аль-кадир», 2/356.

• [2] «Бакара» сүрэг, 184-р аят.

• [3] Абдулхамид Махмуд Тухмаз, «аль-фикх аль-ханафи фи саубихи аль-жадид», 1/437.

• [4] «Аль-Ихтиар», 1/421.

• [5] «Бакара» сүрэг, 184-р аят.

• [6] «Радду аль-мухтар», 3/406.