Шашин нас баримтлагчийн ислам шашинд оноох шийтгэл ямар вэ?

2015 онд Алматы хотод болсон Казахстаны мусульман шашны удирдах газрын Шашны эрдэмтдийн IX чуулганаар нийгмийн тулгамдсан асуудлуудын нэг болох педофилийн талаар фатва гаргасан. Зарим хүмүүс педофилийг төрөлхийн өвчин, сэтгэцийн эмгэг, олон төрлийн бэлгийн гажуудлын нэг гэж үздэг бол, олонх нь үүнийг ёс суртахууны доройтол гэж үздэг.

Казахстаны мусульман шашны удирдах газрын фатвад: «Ислам шашин хүмүүст энэрэл, нигүүлслийг захидаг. Энэрэл нигүүлсэл нь казах ард түмний соёл, зан заншилд онцгой байр суурь эзэлдэг бөгөөд салшгүй хэсэг нь болсон. Харин нийгмийн амар тайвныг алдагдуулдаг гэмт хэрэг, ёс бус явдлыг Аллах Таала хатуу хориглодог.

Аллах Таала Куранд: «Газар дэлхийд амар тайван тогтсоны дараа үймээн самуун бүү тарь» («Ағраф» сүрэг, 56-р аят), «Аллах үймээн самуун дэгдээгчдийг хайрладаггүй» («Мәида» сүрэг, 64-р аят) гэжээ.

Өнөөгийн нийгэмд насанд хүрээгүй хүүхдүүдийг ангуучилж, хүчээр бэлгийн харьцаанд оруулах буюу педофили нь эдгээр аятуудад дурдсан үймээн самуун, ёс бус явдлын хүрээнд орно.

Куран Кэримийн аятуудыг тайлбарладаг алдарт табиин Мужахид «газар дээр үймээн самуун дэгдээгчид» гэдэгт «Үймээн самуун гэдэг нь завхайрал, хулгай, хүн алах, үр удам ба тариалангийн газрыг сүйтгэх, устгах» гэж тайлбарласан байдаг.

Энэ аймшигт гэмт хэрэг дараах хор уршигтай:

Энэ үйлдэл нь хүүхдийн хүсэл зоригийн эсрэг, аймшигтай тул хүүхдийн зөв хөгжихөд томоохон саад болдог. Мөн насан туршдаа ангижирч чадахгүй бэлгийн замын өвчинд өртөх эрсдэлтэй. Хүүхдийн сэтгэл зүйд сөргөөр нөлөөлнө. Хүүхэд эдгэршгүй сэтгэл зүйн өвчинд нэрвэгдэж болзошгүй. Гэр бүлийн нэр хүнд, нэр төрд ихээхэн хохирол учруулна. Ирээдүй хойч үеийн хувь заяанд ч сөргөөр нөлөөлнө.

Хэрэв ийм аймшигт хэрэг үйлдсэн этгээд хохирогчийг амь насыг нь хороовол, шийтгэл нь улам хүндэрнэ. Тиймээс педофили нь хүн төрөлхтний мөн чанарт харш, хүнд гэмт хэрэг тул шийтгэл нь ч маш хатуу. Мусульман эрдэмтэд ийм гэмт хэрэгтэнг хатуу шийтгэл (цааз гэх мэт) оноох ёстой гэж үздэг. Гэвч манай улс нь секуляр, хуулийн засаглалтай тул педофилийн гэмт хэрэгт шариатын биш, эрүүгийн хуулийн дагуу шийтгэл оноодог. Өнөөдрөөс хүчин төгөлдөр мөрдөгдөж буй хуулиар педофилчид насан туршид нь хорих ял онооно.

Хасан АМАНҚҰЛ,

Шариат ба фатва хэлтсийн орлогч дарга,

«Мунара» сонин, №1, 2020 он