Adak roʻzasi qanday tutiladi?

Adak, insonning zimmasida majburiyat boʻlmagan bir farz yoki vojib ibodatni Allohga va’da qilib, oʻziga qarz qilishidir. Hech qanday shart va vaqtga bogʻlanmagan mutlaq adaklar, adagan paytdan boshlab birinchi imkoniyatda ado etilishi lozim. Ma’lum bir shartga bogʻlangan adaklar esa, shart amalga oshganda bajarilishi kerak. Shart amalga oshmasdan adak bajarilsa, bu haqiqiy hisoblanmaydi va shart amalga oshgach, yana bajarilishi lozim boʻladi. Muayyan bir vaqtda ado etilishi shart boʻlgan adak roʻzasi aynan oʻsha vaqtda tutiladi. Bunday roʻzaga niyat qilinayotganda, uning adak roʻzasi ekanini aniq aytish shart emas. Ma’lum bir vaqti boʻlmagan adak roʻzalari esa Ramazon oyi va roʻza tutish harom boʻlgan kunlardan tashqari istalgan kunda tutilishi mumkin. Lekin bu roʻza adak niyati bilan tutilishi lozim. Demak, adak roʻzasi qanday adangan boʻlsa, shunday tutiladi. Ya’ni, ketma-ket tutish adangan boʻlsa, uzluksiz tutiladi, bunday shart boʻlmasa, oraliq bilan ham tutish mumkin. Biroq roʻza tutish joiz boʻlmagan kunlarda adak roʻzasi tutilmaydi. (Ibn Âbidîn, Reddü’l-muhtâr, 2/375, 435, 437)

Manba: T.C. Diyanet İşleri Başkanlığı, Din İşleri Yüksek Kurulu