Namoz vaqtlariQur'on arab tilida nozil qilingan. Bu haqda Alloh Taolo Qur'onda shunday deydi:
بِلِسَانٍ عَرَبِيٍّ مُبِينٍ
«Aniq arab tilida» [1].
Arab tilining uslublaridan biri shuki, agar bir kishi o‘zini ulug‘lashni istasa, «men qildim» demay, «biz qildik» deb ko‘plik shaklida gapiradi. «al-Mu‘jam al-vasit» kitobida: «Biz – so‘zi ikki yoki undan ortiq uchun ishlatiladi. Ba'zan bir kishini ulug‘lash maqsadida ham qo‘llaniladi» [2], – deb aytilgan.
Shu sababli Qur'onda keltirilgan:
إِنَّا نَحْنُ نَزَّلْنَا الذِّكْرَ وَإِنَّا لَهُ لَحَافِظُونَ
«Albatta, Zikrni (Qur'onni) Biz nozil qildik va Uni (o‘zgartirish, buzilishdan) albatta, saqlovchimiz» [3],
يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَىٰ وَجَعَلْنَاكُمْ شُعُوبًا وَقَبَائِلَ لِتَعَارَفُوا ۚ
«Ey insonlar! Darhaqiqat, Biz sizlarni erkak va ayoldan yaratdik va bir-biringizni tanishingiz uchun sizlarni xalqlar va qabilalarga ajratdik» [4], – degan oyatlardagi «Biz tushirdik», «Biz yaratdik» degan so‘zlar Alloh Taoloning yagonaligiga hech qanday zid emas. Bu arab tilidagi ulug‘lash maqsadida ishlatiladigan uslublardan biridir.
O‘zbekiston musulmonlari idorasi Shariat va fatvo bo‘limi
[1] «Shuaro» surasi, 195-oyat.
[2] «al-Mu‘jam al-vasit», 907.
[3] «Hijr» surasi, 9-oyat.
[4] «Hujurot» surasi, 13-oyat.
Bu material sun’iy intellekt yordamida tayyorlangan va muharrir tomonidan ko‘rib chiqilgan.