Ayollar teravih namozini masjiddami o‘qishlari mumkinmi?

Hazrati Payg‘ambar (s.a.s.) ayollarning masjidga borishlari mumkinligini, biroq uyda ibodat qilishlari ko‘proq fazilatli ekanini turli holatlarda ta’kidlagan va shunday deganlar: “Ayollaringizni masjidlarga borishdan to‘smanglar. Lekin uylari ular uchun yaxshiroqdir.” (Abu Dâvûd, Salât, 53 [567]; Buxoriy, Jumu‘a, 13 [900]; Muslim, Salât, 136 [442]). Hazrati Payg‘ambar ayollarning masjidga borishlariga ruxsat berganlari, hatto Ramazon va Qurbon hayiti kabi umumiy quvonch kunlarida ham ularning hayit namoziga borib, bayram quvonchidan bahramand bo‘lishlarini rag‘batlantirganlari ma’lum (Buxoriy, ʽÎdeyn, 15, 19, 21 [974, 979, 981]; al-Haj, 81 [1652]; Muslim, Salâtü’l-ʽîdeyn, 1-3, 10-12 [884-885, 890]). Allohning Rasuli (s.a.s.) masjidga boradigan ayollarga ba’zi tavsiyalar berganlar; e’tiborni tortadigan tarzda kiyinishni va atir surtishni man etganlar (Muslim, Libâs, 125 [2128]; Salât, 141-142 [443]). Ayollarning namozlarini uyda o‘qishlari ko‘proq fazilatli bo‘lsa-da, farz namozlari va teravih namozini zarur ehtiyot choralariga rioya qilgan holda masjidda jamoat bilan o‘qishlarida ham hech qanday to‘sqinlik yo‘q (Zayla‘iy, Tebyîn, 1/140; Ibn Nujaym, al-Bahr, 2/71).

Manba: T.C. Diyanet İşleri Başkanlığı, Din İşleri Yüksek Kurulu