Ayollarning, zeb-ziynat buyumlaridan zakot berishlari kerakmi?

Hanafiylarga ko‘ra, oltin va kumushdan yasalgan zeb-ziynat buyumlari zakot uchun zarur bo‘lgan boshqa shartlarni ham bajargan taqdirda zakotga tortiladi. Shunga ko‘ra, oltindan yasalgan zeb-ziynat buyumlari 24 karatli 80,18 gramm yoki undan ko‘p bo‘lsa va ustidan bir yil o‘tgan bo‘lsa, ularning zakoti qirqdan bir miqdorida beriladi. Oltin va kumushdan boshqa metall va toshlardan tayyorlangan zeb-ziynat buyumlari esa zakotga tortilmaydi. (Ibn Nujaym, al-Bahr, 2/243)

Shofiiy mazhabiga ko‘ra esa, ayolning odatdagidek va isrofga yo‘l qo‘ymagan holda zeb-ziynat sifatida taqib yuradigan oltin va kumush taqinchoqlari asosiy ehtiyoj hisoblanadi va ulardan zakot olinmaydi. Lekin agar zeb-ziynat sifatida emas, balki jamg‘arma maqsadida saqlansa, ulardan zakot berilishi lozim bo‘ladi. (Nawaviy, al-Majmu‘, 6/35-36, 46; Shirbiniy, Mughni’l-muhtoj, 2/99; Ibn Qudama, al-Mughni, 3/41-42)

Manba: T.C. Diyanet İşleri Başkanlığı, Din İşleri Yüksek Kurulu