Boshqa mazhabdan bo‘lgan imom ortida namoz o‘qish mumkinmi?

Turli mazhabga mansub bo‘lgan imomga ergashib jamoat bilan namoz o‘qishda hech qanday muammo yo‘q. Chunki mazhab farqlari namozda iqtido (imomga ergashish)ga to‘sqinlik qilmaydi. Har qancha “boshqa bir mazhabdan bo‘lgan imom namozda bo‘lganida, muqtadining mazhabiga ko‘ra namozni buzadigan bir amal qilsa, muqtadining namozi fasid bo‘ladi” (el-Fetâva’l-Hindiyye, 1/84; Ibn Âbidîn, Reddü’l-muhtâr, 1/562-563) degan ijtihod bo‘lsa-da, bu masalada to‘g‘riroq yondashuv shuki, imom o‘z mazhabiga ko‘ra namozi buzilmagan ekan, qaysi mazhabdan bo‘lishidan qat’i nazar, unga ergashgan kishining ham namozi to‘liq hisoblanadi.

Bu so‘nggi qarash, salaf amaliyotiga ham mos keladi va jamoat ruhi talabiga ham uyg‘undir. Masalan, Imom Abu Yusuf hijomatdan (qon oldirish) so‘ng tahorat olmasdan imomlik qilgan xalifa Horun Rashid ortida namoz o‘qigan. (Ibn Abul-‘Iz, Sharhu’l-‘aqidati’t-Tahâviyye, 368-369) Bundan tashqari, imom o‘z mazhabidagi shartlarga zid bir ish qilganmi-yo‘qmi, buni tekshirish ham shart emas. (Ibn Âbidîn, Reddü’l-muhtâr 1/562-563)

Manba: T.C. Diyanet İşleri Başkanlığı, Din İşleri Yüksek Kurulu