Farz namozlarning uchinchi va to‘rtinchi rak’atida Fotiha surasidan keyin nega boshqa oyat yoki sura o‘qilmaydi?

Qur’onda ibodatlar tafsilotlari bilan emas, umumiy tarzda buyurilgan. Farz, vojib yoki nafl bo‘lgan barcha ibodatlarning qanday va qaysi tartibda ado etilishi esa Rasululloh (s.a.s.) tomonidan belgilangan. Namozning nechta rak’at o‘qilishini, qayerda va qanday tilovat, zikr, tasbeh, tahmid yoki duo qilinishini, ruku’ va sajdaning qanday va nechta marta bajarilishini Rasululloh (s.a.s.) ko‘rsatib, “Mening o‘qigan namozim kabi siz ham namoz o‘qinglar.” (Buxoriy, Azon, 18 [631]) deb buyurganlar. Ya’ni, ibodatlarni qanday buyurilgan bo‘lsa, shunday ado etishimiz lozim.

Farz namozlarning oxirgi ikki rak’atida Fotiha surasidan keyin sura o‘qilmasligini ham shu doirada baholash kerak. Shunga qaramay, farzlarning oxirgi ikki rak’atida Fotiha surasidan keyin sura o‘qilsa, bu namozga zarar yetkazmaydi. Hanafiya mazhabidagi maqbul qarashga ko‘ra, sajda sahv ham vojib bo‘lmaydi. (Ibn Nujaym, al-Bahr, 2/102; Halabiy, as-Sag‘ir, 175)

Manba: T.C. Diyanet İşleri Başkanlığı, Din İşleri Yüksek Kurulu