G‘iyobiy janoza namozi o‘qilishi mumkinmi?

Aslida, janoza namozining o‘qilishi uchun marhumning jasadi hozir bo‘lishi kerak. Biroq, hozir bo‘lmagan marhum uchun ham janoza namozi o‘qilishi mumkin. Rasululloh (s.a.s.) Habash podshosi Najoshiy vafot etganini xabar qilgan, so‘ngra uning janoza namozini o‘qitish uchun jamoat oldiga chiqqan va sahobalar ham orqasida saf tortganlar (Buxoriy, Janoiz, 54 [1318]; Muslim, Janoiz, 63 [951]). Ushbu voqeada hozir bo‘lgan Jabir ibn Abdulloh (r.a.) shunday degan: “Rasululloh (s.a.s.) Najoshiyning (g‘iyobida) janoza namozini o‘qitdi. Men esa ikkinchi safda edim.” (Buxoriy, Janoiz, 54 [1320]). Shuningdek, Rasululloh (s.a.s.) Uhud shahidlari (Buxoriy, Janoiz, 72 [1344]) va o‘ziga xabar berilmasdan dafn etilgan marhumlar uchun ham g‘iyobiy janoza namozi o‘qiganlari ma’lum (Buxoriy, Janoiz, 55 [1321]).

Manba: T.C. Diyanet İşleri Başkanlığı, Din İşleri Yüksek Kurulu