Imomdan boshqa bir joyda bo‘lgan kishi, ovozli aloqa orqali imomga ergashishi mumkinmi?

Jamoat bilan namoz o‘qilayotganda imom va jamoatning joylari haqiqatda yoki hukman bir xil bo‘lishi lozim. Bu birlik saflarning tutashuvi bilan ta’minlanadi. Agar namoz bir binoning ichida o‘qilayotgan bo‘lsa, ichkaridagilarning joylari bir hisoblanadi. Shu sababli, ko‘p qavatli binolarda masjid sifatida foydalanilayotgan bir qavatda jamoat bilan namoz o‘qilayotgan bo‘lsa, bu qavat jamoatni sig‘dira olmasa, pastki yoki yuqoridagi, bu qavatga tutash qavatlarda turgan jamoat, ovoz kuchaytirgich yoki muazzinning xabari orqali imomning harakatlaridan xabardor bo‘lsalar, imomga ergashishlari sahih bo‘ladi. Imomni yoki imomni ko‘rayotganlarni ko‘rish shart emas. Ovozli aloqa uzilib qolsa, imomning harakatlarini kuzata olmaganlar uchun namoz buziladi. (Ibn Abidin, Raddul-muhtar, 1/550-551, 586-587) Imom turgan joydan yo‘l, daryo yoki joy birligini buzadigan boshqa to‘siqlar bilan ajralgan joylarda turganlarning imomga ergashishlari joiz emas.

Manba: T.C. Diyanet İşleri Başkanlığı, Din İşleri Yüksek Kurulu