Jamoat bilan namozda iqomat aytadigan kishining qanday xususiyatlari bo‘lishi kerak? Bolalar iqomat ayta oladilarmi?

Iqomat aytadigan kishi hadasdan poklangan, aqli raso va erkak bo‘lishi lozim. Shunga ko‘ra, tahoratsiz yoki junub bo‘lgan, aqli zaif yoki mast, hamda ayol kishining iqomat aytishi makruh hisoblanadi. Iqomat aytadigan kishining solih bo‘lishi esa mustahabdir. (Ibn Nujaym, al-Bahr, 1/268-270; Aliyyul-Qoriy, Fathu babil-‘inoya, 1/227)

Iqomat aytadigan kishi kamida mumayyiz (yaxshini yomonidan ajrata oladigan) bo‘lishi kerak. Mumayyizlik qobiliyati o‘rtacha 7 yoshda boshlanadi va balog‘atga yetgunga qadar davom etadi. Mumayyiz bo‘lmagan kichik bolaning azon va iqomati maqbul hisoblanmaydi. Mumayyiz bolalarning o‘qigan azoni va aytgan iqomati esa maqbuldir. Shunga qaramay, iqomatni balog‘atga yetgan kishi aytishi afzalroqdir. (qarang: Saraxsiy, al-Mabsut, 1/138; al-Fatawa al-Hindiyya, 1/54; Ibn Abidin, Raddul-muhtar, 1/391-393)

Manba: T.C. Diyanet İşleri Başkanlığı, Din İşleri Yüksek Kurulu