Jamoatdan bo‘lmagan bir kishining imomning xatosini to‘g‘rilashi namozni buzadimi?

Agar imom qiroat paytida xato qilsa yoki o‘qiydigan joyini esidan chiqarsa, jamoatdan birining to‘g‘rilashi yoki eslatishi bilan na jamoatning, na imomning namozi buzilmaydi. (Merğînânî, el-Hidâye, 1/62-63, Mevsılî, el-Ihtiyâr, 1/60-61) Ammo jamoatdan bo‘lmagan bir kishi imomning xatosini to‘g‘rilasa va imom unga amal qilsa, bu holda namoz buziladi. Chunki bu harakat o‘rganish va o‘rgatish hisoblanadi. (Zeylaî, Tebyîn, 1/156; el-Fetâva’l-Hindiyye, 1/99) Boshqa ba’zi mazhablarda esa bu to‘g‘rilash namozni buzadigan harakat deb hisoblanmagan. Rivoyat qilinishicha, Hazrati Usmon (r.a.) Maqom Ibrohimda o‘tirganida yonida namoz o‘qiyotgan bir kishining xatosini shu tarzda to‘g‘rilagan. (Ibn Qudama, el-Muğnî, 2/45)

Manba: T.C. Diyanet İşleri Başkanlığı, Din İşleri Yüksek Kurulu