Jamoatga yetib olish uchun bomdod namozining sunnati tark qilinishi mumkinmi?

Sunnatlar ichida eng kuchlisi, bomdod namozining farzidan oldin o‘qiladigan ikki rakatlik namozdir. Chunki Rasululloh (s.a.s.)dan bu namozning fazilati haqida, boshqa nafl namozlar haqida aytilmagan so‘zlar rivoyat qilingan. Rasululloh (s.a.s.) “Bomdod namozining ikki rakat sunnati dunyo va undagi barcha narsadan afzaldir.” (Muslim, Salâtü’l-müsâfirîn, 96 [725]) deganlar.

Har qanday farz namoz uchun iqomat aytilganda yoki imom namozni boshlaganda nafl namoz o‘qish makruh hisoblanadi va jamoatga qo‘shilish lozim bo‘ladi. Biroq, fazilati sababli bomdod namozining farzidan oldin o‘qiladigan ikki rakat sunnat bundan mustasno qilingan. (Kâsânî, Bedâ’i, 1/297) Imkon bo‘lsa, bu fazilatni qo‘ldan boy bermaslik kerak.

Shu bois, kimdir jamoat bilan o‘qilayotgan bomdod namozining farzining oxirgi rakatiga yoki ba’zi qarashlarga ko‘ra tashahhudiga yetib olaman deb o‘ylasa, sunnatini o‘qishi kerak. Bunga qarama-qarshi ravishda, agar kishi sunnat bilan mashg‘ul bo‘lsa, farzni butunlay o‘tkazib yuborishidan xavotir qilsa, sunnatini tark qilib jamoatga qo‘shilishi lozim bo‘ladi. (Ibn Mâze, el-Muhît, 1/448-449; Ibn Âbidîn, Reddü’l-muhtâr, 2/56)

Manba: T.C. Diyanet İşleri Başkanlığı, Din İşleri Yüksek Kurulu