“Jin” degan bir mavjudot bormi?

Jin so‘zi lug‘atda “yashirin va maxfiy mavjudot, ko‘rinmaydigan narsa” ma’nosini anglatadi. Inson sezgi organlari bilan idrok etib bo‘lmaydigan bu mavjudotlarning mohiyati haqida ko‘p ma’lumotimiz yo‘q. Jinlarning mavjudligi va mohiyati haqidagi bilimlar faqat vahiy orqali ma’lum bo‘ladi.

Qur’oni Karimda jinlar alangali/tutunsiz, sof olovdan yaratilgani zikr qilinadi. (qarang: al-Hijr, 15/27; ar-Rahman, 55/15) Shuningdek, Qur’onda “Jin” nomli sura mavjud bo‘lib, yana ko‘plab oyatlarda va sahih hadislarda jinlar haqida so‘z yuritiladi. Shu bois jinlarning mavjudligi haqiqat bo‘lib, har bir mo‘min bunga ishonishi lozim.

Jinlar ko‘rinmas o‘lchamda bo‘lgani uchun ularning yashash tarzi, insonlar bilan munosabatlari kabi masalalarda vahiyda bildirilganidan tashqari aniq hukm chiqarish mumkin emas. Boshqa tomondan, jinlar “mutlaq g‘ayb”ni ham bila olmaydilar. Chunki mutlaq g‘ayb ilmi faqat Allohga xosdir. Bu borada Ulug‘ Alloh shunday deydi: “Sulaymonning jonini olganimizda, uning o‘lgani asosi yemirilgan bir chumoli orqali ularga (jinlarga) ayon bo‘ldi. U yerga qulagach, jinlar angladilarki, agar g‘aybni bilganlarida edi, (ular bo‘lgan) xor qiluvchi azob ichida qolmas edilar.” (Saba’, 34/14)

Zariyat surasining 56-oyatida esa jinlar ham insonlar kabi Allohni tanib, Unga ibodat qilishga mas’ul ekani aytilgan.

Manba: T.C. Diyanet İşleri Başkanlığı, Din İşleri Yüksek Kurulu