Marhumning ortidan yig‘lash va motam tutishning hukmi nima?

Marhumning ortidan yig‘lash — Alloh bergan rahm-shafqat tuyg‘usining namoyonidir. Payg‘ambarimiz (s.a.s.) ham o‘g‘li Ibrohim vafot etganida yig‘lagan, vafot etayotgan nabirasi haqida xabar kelganda ham ko‘zlaridan yosh chiqqan. Sababi so‘ralganda esa: “Bu, Allohning rahmatidir, uni bandalarining qalbiga joylashtirgan. Alloh faqat rahmli bandalariga rahm qiladi.” (Buhârî, Cenâiz, 43 [1303]; Muslim, Cenâiz, 11,12 [923, 924]; Abû Dâvûd, Cenâiz, 28 [3125]) deganlar. Biroq vafotdan keyin ortda qolganlarning baqirib-chaqirib, kiyimlarini yirtib yig‘lashlari joiz emas. Payg‘ambarimiz (s.a.s.) “Musibatga uchraganda yoqasini-yengini yirtgan, yuz va yonoqlariga urgan, johiliyat ishlarga chaqirgan kimsalar bizdan emas.” (Abû Dâvûd, Cenâiz, 29 [3128]); “Qo‘llari bilan yuziga urgan, yuzini tirnagan, yoqasini-yengini yirtgan, o‘ziga halokat va balo tilagan ayol/kishiga Allohning rahmati bo‘lmasin.” (Ibn Mâja, Cenâiz, 52 [1584]) deganlar.

Manba: T.C. Diyanet İşleri Başkanlığı, Din İşleri Yüksek Kurulu