Masjidul Haromda jamoat bilan namoz o‘qiyotganda imomning oldida turganlarning namozlari maqbul bo‘ladimi?

Hanafiy, Shofe’iy va Hanbaliy mazhablariga ko‘ra, Ka’baning atrofida ham bo‘lsa, jamoat bilan namoz o‘qilayotganda imom turgan tomondagi jamoat imomdan oldinda bo‘lmasligi shart. Shuning uchun imom turgan tomondagi jamoat imomdan oldinda bo‘lsa, ularga imomga iqtido qilgan hisoblanmaydi va namozlari maqbul bo‘lmaydi. Boshqa yo‘nalishlardagi jamoat esa Ka’baga imomdan yaqinroq tursa ham, bu holat ularning imomga iqtido qilishiga to‘sqinlik qilmaydi. Molikiy mazhabiga ko‘ra esa, imomning jamoatdan oldinda bo‘lishi shart emas. Lekin zarurat bo‘lmasa, jamoatning imomdan oldinda turishi makruh hisoblanadi. (Ibn Qudama, al-Mug‘ni, 2/157; Ibn Abidin, Raddul-muhtar, 2/254; Ibn Rushd, al-Bayan va’t-Tahsil, 1/484)

Manba: T.C. Diyanet İşleri Başkanlığı, Din İşleri Yüksek Kurulu