Nafl namozlarini masjiddami yoki uyda o‘qish afzalliklimi?

Hazrati Payg‘ambar (s.a.v.) farz namozlarni jamoat bilan o‘qishni tavsiya qilganlar va “Jamoat bilan o‘qilgan namoz, yolg‘iz o‘qilgan namozdan yigirma yetti daraja afzaldir.” (Buhârî, Ezân, 30 [645]; Muslim, Masâcid, 249-250 [650]) deganlar. Boshqa bir hadisda esa “Agar odamlar xufton va bomdod namozlarini jamoat bilan o‘qish savobini bilishganida, emaklab bo‘lsa ham jamoatga borishardi.” (Buhârî, Ezân, 32 [654]; Muslim, Salât, 129 [437]) deb aytganlar.

Hazrati Payg‘ambar (s.a.v.), besh vaqt farz namozlarning oldi va keyinida, shuningdek farz namozlardan alohida sunnat va nafl namozlarni o‘qir, sunnat va nafl namozlarni uyda o‘qish ma’qulroq ekanini bildirganlar. Bir hadisda shunday deganlar: “Ey odamlar! Uyingizda namoz o‘qinglar. Chunki farz namozdan boshqa namozlarning eng maqbulisi, insonning uyida o‘qigan namozidir.” (Buhârî, Ezân, 81 [731]; Muslim, Salâtü’l-müsâfirîn, 213 [781]) Boshqa bir hadisda esa Hazrati Payg‘ambar (s.a.v.), “Birortangiz farz namozini masjiddan o‘qib chiqqach, o‘sha namozidan uyiga ham bir qismini ajratsin. Zero, Alloh Taolo bu nafl namoz sababli uyida yaxshilik yaratadi.” (Muslim, Salâtü’l-müsâfirîn, 210 [778]) deganlar; hatto “Namozning bir qismini (ya’ni nafl namozlarni) uyingizda o‘qinglar, uyingizni qabristonga aylantirmanglar.” (Buhârî, Salât, 52 [432]; Muslim, Salâtü’l-müsâfirîn, 208 [777]) deb ogohlantirganlar.

Shunga ko‘ra, farz namozlarning sunnatlari hamda barcha nafl namozlarni masjiddan o‘qish mumkin bo‘lsa-da, ularni uyda o‘qish yanada afzaldir.

Manba: T.C. Diyanet İşleri Başkanlığı, Din İşleri Yüksek Kurulu