Namoz qarzi bo‘lgan kishilar o‘rniga boshqalar bu namozlarni o‘qib bera oladimi?

Faqat jismoniy tarzda bajariladigan ibodatlarda boshqaning o‘rniga o‘sha ibodatni ado etish maqbul hisoblanmaydi. (Ibn Abidin, Raddul-muhtar, 2/74; Shayhizoda, Majma‘ul-anhur, 1/307) Zero, har bir kishi o‘z amali uchun hisob beradi. (al-Isro, 17/13; Yosin, 36/54; at-Tur, 52/16, 21; al-Muddassir, 74/38) Shu bois, biror kishi, vafot etgan yoki tirik bo‘lgan birining o‘qilmagan farz namozlarini uning nomidan o‘qiy olmaydi. Shuning uchun har bir inson hayot va sog‘lom paytida ibodatlarini ado etishga e’tibor berishi, Alloh huzuriga qarzdor holda bormaslikka harakat qilishi lozim.

Manba: T.C. Diyanet İşleri Başkanlığı, Din İşleri Yüksek Kurulu