Namozda nechta rak’at o‘qiganiga shubha qilgan kishi nima qilishi kerak?

Ibadat va amallar har qanday shubhadan xoli bo‘lishi lozim. Agar balog‘at yoshidan boshlab birinchi marta o‘qigan namozining nechta rak’at ekanligiga shubha qilsa, bu namozni qayta o‘qishi kerak. Agar bu holat vaqti-vaqti bilan takrorlansa, kishi o‘zining kuchli gumoniga (zann-i g‘olib) binoan amal qiladi. Agar nechta rak’at o‘qigani borasida kuchli gumoni ham bo‘lmasa, u holda kamroq rak’atni asos qilib, namozini davom ettiradi. (Shurunbuloliy, Meroqi’l-faloh, 182). Masalan, to‘rt rak’atli namozni boshlagan kishi, o‘qigan rak’ati birinchi yoki ikkinchi ekanligiga shubha qilsa va bir tomonini tanlay olmasa, o‘zini bir rak’at o‘qigan deb hisoblaydi va birinchi deb hisoblangan rak’atning ikkinchisi, uchinchi deb hisoblangan rak’atning to‘rtinchisi bo‘lish ehtimoli borligi uchun har bir rak’at oxirida o‘tirib, tahiyyotni o‘qiydi, oxirida esa sahv sajdasi qilib namozini yakunlaydi (Kasoniy, Badoi‘, 1/165, 166).

Manba: T.C. Diyanet İşleri Başkanlığı, Din İşleri Yüksek Kurulu