Nifosat muddati qancha davom etadi? Bu davrda bajarilmaydigan ibodatlarning hukmi qanday?

Nifosat — bu, tug‘ruq yoki homila tashlash yoki abort qilgan ayolda ma’lum bir muddat davomida ko‘riladigan qon kelishidir. Bu holatdagi ayolga nifosa deyiladi. Har bir ayolda nifosat muddati har xil bo‘lishi mumkin. Bu, ayollarning jismoniy tuzilishiga, irsiy va atrof-muhit sharoitlariga qarab o‘zgaradi.

Nifosat muddati uchun eng kam chegara yo‘q. Eng ko‘p muddati esa, hanafiy mazhabiga ko‘ra qirq; shofe’iy mazhabiga ko‘ra esa oltmish kundir. Bu yuqori chegaralardan keyin ko‘rilgan qon nifosat emas, uzrli qon hisoblanadi. Bundan tashqari, nifosat kunlaridagi qon bir muddat to‘xtab, keyin yana davom etsa, qon to‘xtagan kunlar ham nifosat holatidan sanaladi. (Aliyyü’l-Kârî, Fethu bâbi’l-‘inâye, 1/148; Shirbiniy, Mughni’l-muhtâj, 1/294)

Ayollar hayz va nifosat holatlarida jinsiy aloqada bo‘la olmagani kabi, bu davrdagi ayol bilan jinsiy aloqa qilish ham haromdir. Bundan tashqari, hayz va nifosatdagi ayollar namoz o‘qiy olmaydi, ro‘za tuta olmaydi (Buhârî, Hayz, 6 [304]; Muslim, Hayz, 67-69 [335]) va Ka’bani tavof qila olmaydilar. (Buhârî, Hayz, 1, 7 [294, 305]; Muslim, Haj, 111, 119-120 [1211]) Ayollar hayz va nifosat holatlarida o‘qiy olmagan namozlarini keyin qazo qilmaydilar, biroq tuta olmagan ro‘zalarini qazo qiladilar. (Muslim, Hayz, 67-69 [335])

Qirq kun to‘lmasdan nifosat qoni to‘xtagan ayol g‘usl oladi va ibodatlarini bajara boshlaydi.

Manba: T.C. Diyanet İşleri Başkanlığı, Din İşleri Yüksek Kurulu