Ota-onasining yashayotgan shahri yoki qishlog‘iga borgan kishi safar holatida bo‘ladimi?

Voyaga yetgan kishi tug‘ilib o‘sgan yoki doimiy yashash uchun tamoman joylashgan asl vatanini tark etib, boshqa bir joyga doimiy yashash uchun ko‘chib o‘tsa, u joy uning yangi asl vatani hisoblanadi va avvalgi joy asl vatanlik maqomini yo‘qotadi. Eski asl vatanida ota-onasining yoki voyaga yetgan farzandlarining bo‘lishi bu holatni o‘zgartirmaydi. Afzal qilingan qarash shu (Ibn Abidin, Raddul-muhtar, 2/131-132). Shunga ko‘ra, bir kishi doimiy yashab turgan vatanidan chiqib, tashrif yoki shu kabi maqsadlar bilan 90 km yoki undan uzoq masofada joylashgan ota-onasining huzuriga borsa, safar hukmlariga bo‘ysunadi. Demak, u borgan joyda agar hanafiy mazhabiga ko‘ra 15 kundan, shofi’iylarga ko‘ra esa 4 kundan kamroq qolishni niyat qilsa, safar holatida bo‘ladi (Mavsiliy, al-Ixtiyor, 1/79-80).

Manba: T.C. Diyanet İşleri Başkanlığı, Din İşleri Yüksek Kurulu