Peshin va xufton namozining oxirgi sunnatlari to‘rt rakat qilib o‘qilishi mumkinmi?

Peshin va xufton namozlarining oxirgi sunnati ikki rakat qilib o‘qilishi mumkin bo‘lgani kabi, to‘rt rakat qilib ham o‘qilishi mumkin. Hazrati Payg‘ambar (s.a.s.) peshin namozining oxirgi sunnatini to‘rt rakat qilib o‘qishni tavsiya qilganlariga oid rivoyatlar mavjud (Abu Dovud, Tatavvu‘, 295 [1269]; Termiziy, Salat, 317 [426-428]), shuningdek, ikki rakat qilib o‘qiganlari va shunday tavsiya qilganlariga oid rivoyatlar ham bor. (Buxoriy, Tahajjud, 29, 34 [1172, 1180]; Muslim, Salotu’l-musofirin, 104 [729]) Biroq ikki rakat qilib o‘qilganiga doir rivoyatlar kuchliroq va mashhur bo‘lgani uchun shu amal afzal ko‘rilgan va umumiy amaliyot ham shu tarzda shakllangan.

Manba: T.C. Diyanet İşleri Başkanlığı, Din İşleri Yüksek Kurulu