Қадир кечасининг қандай белгилари бор?

Қадир кечасининг белгилари ҳақида Пайғамбаримиз (унга Аллоҳнинг салавоти ва саломи бўлсин) шундай деганлар:

«Қадир кечасида осмон очиқ бўлади. Иссиқ ҳам, совуқ ҳам бўлмайди. Қуёш қизил бўлиб чиқади» [1] , – деганлар.

Яна бир ривоятда:

«Қадир кечаси мусаффо ва ёруғ бўлиб, ойнинг ўзи нурга тўлгандек бўлади. Бу кеча совуқ ҳам, иссиқ ҳам эмас, тинч ва осойишта бўлади, тонг отгунга қадар юлдузлар оқишига йўл қўйилмайди. Бу кечанинг яна бир белгиси – эрталаб қуёш тўлин ой каби текис чиқади ва шайтонларга қуёш билан бирга чиқишга рухсат этилмайди» [2] , – деб таърифлангани ривоят қилинган.

Келгуси ҳадисда эса:

«Бу кечада булут ҳам, ёмғир ҳам, шамол ҳам бўлмайди...» [3] дейилган.

«Рамазон рўзасига оид фатволар» китобидан

• [1] Байҳақий, 3/1360. Ибн Хузайма, №2192.

• [2] Аҳмад, 5/324. Табараний, №1119. Ибн Касир, Жомеъ ал-масонид ва ас-суна, 5729. №774. Ал-Ироқий, Лайлатул-Қадр, 51. №807. Ибн Абдулбар, ал-Истизкар, 3/300. №464. Исноди ҳасан.

• [3] Табараний, №139. 22/59.