Qazo namozi o‘qilayotgan paytda azon o‘qilsa, qazo namozini davom ettirish mumkinmi?

Qazo namozi o‘qilayotgan vaqtda biror vaqtniki azon o‘qilishi, o‘qilayotgan qazo namoziga zarar yetkazmaydi. O‘z vaqtida o‘qilmagan namozlarni qazo qilish uchun belgilangan bir vaqt yo‘q. Makruh vaqtlardan tashqari istalgan vaqtda qazo namozi o‘qish mumkin. Namoz o‘qish mumkin bo‘lmagan bu vaqtlarga Ukba ibn Amir rivoyat qilgan hadisda shunday ta’rif berilgan: “Rasululloh (s.a.s.) bizga uch vaqtda namoz o‘qishni yoki o‘liklarimizni dafn etishni man qildilar: Quyosh chiqqanidan boshlab (bir yoki ikki nayza bo‘yi) ko‘tarilguncha, quyosh osmonning o‘rtasida tik turganidan (g‘arbga) og‘ishigacha va quyosh sarg‘ayganidan boshlab botguncha.” (Muslim, Salâtü’l-müsâfirîn, 293 [831]; qarang: Abu Dovud, Tatavvu‘, 298 [1277] Janoyiz, 55 [3192])

Quyosh botishidan oldingi makruh vaqtda faqat shu kunning asr namozining farzi o‘qilishi mumkin. Lekin uzrsiz holda asr namozini shu vaqtda qoldirish makruh hisoblanadi.

Manba: T.C. Diyanet İşleri Başkanlığı, Din İşleri Yüksek Kurulu