Namoz vaqtlariShariatda qurbonlik uchun toʻrt turdagi hayvon (qoʻy, echki, sigir, tuya) soʻyiladi. Echki va qoʻyning yoshi bir yilga toʻlgan boʻlishi, shuningdek, olti oydan oshgan qoʻzi (qoʻy kabi) yirik va semiz boʻlsa, qurbonlikka yaroqli hisoblanadi.
Sigir ikki yoshdan, tuya esa besh yoshdan oshgan boʻlishi kerak. Bundan tashqari, soʻyiladigan hayvonda nuqson yoki kamchilik boʻlmasligi lozim.
Paygʻambarimiz (u zotga Allohning salovoti va salomi boʻlsin) aytadilar:
لا تَذْبَحُوا إِلا مُسِنَّةً إِلا أَنْ يَعْسُرَ عَلَيْكُمْ فَتَذْبَحُوا جَذَعَةً مِنْ الضَّأْنِ
“(Qurbonlikka) faqat yoshi toʻlgan hayvonni soʻyinglar, faqat imkon topa olmasalaringiz, qoʻzi soʻysalaringiz boʻladi” [1].
Imom al-Kosoniy deydilar: “Tuya, sigir va qoʻyning yoshi toʻlganini qurbonlikka soʻyish joiz, faqat qoʻzi yirik boʻlsa, qurbonlikka yaroqli boʻladi” [2].
Imom al-Maydoniy deydilar: “Al-jaza’ – olti oylik qoʻzi deyiladi, u uzoqdan qaraganda bir yoshli qoʻylar orasida ajralib turmasligi kerak” [3].
Shuning uchun, olti oydan oshgan qoʻzi bir yoshli qoʻyning gavdasidek yirik boʻlmasa, qurbonlikka yaramaydi.
Elbek Tasbolat oʻgʻli,
Oʻzbekiston musulmonlari idorasi Shariat va fatvo boʻlimi mutaxassisi
[1] “Muslim”, № 1963.
[2] “Badoi’ as-sano’i”, 6/299.
[3] “Al-lubab sharh al-kitob”, 933-bet.
Bu material sun’iy intellekt yordamida tayyorlangan va muharrir tomonidan ko‘rib chiqilgan.