Namoz vaqtlariZul-hijja oyi kirib, qurbonlik soyguncha soch va tirnoqni olmaslik mustahab hisoblanadi.
Payg‘ambarimiz (unga Allohning salovoti va salomi bo‘lsin) shunday deganlar:
مَن كانَ له ذِبْحٌ يَذْبَحُهُ فإذا أُهِلَّ هِلالُ ذِي الحِجَّةِ، فلا يَأْخُذَنَّ مِن شَعْرِهِ، ولا مِن أظْفارِهِ شيئًا حتَّى يُضَحِّيَ
"Zul-Hijjaning dastlabki o‘n kuni kirib, sizlardan kimdir qurbonlik so‘ymoqchi bo‘lsa, qurbonlik so‘yguncha soch va tirnoqini olmasin" [1].
Bu hadisdagi buyruq vojib emas, mustahabni bildiradi [2]. "Soch va tirnoqini olmasin" deyilganining asosiy hikmati – jahannamdan bo‘yin ozod bo‘lguncha tanadan hech narsa olinmay, to‘liq holda qolishi yoki hajga ihram kiyganlarga o‘xshashlikdir [3].
Shuning uchun qurbonlik so‘ymoqchi bo‘lgan odam soch va tirnoqini olsa ham bo‘ladi [4]. Chunki Oisha onamizdan rivoyat qilinadi, u shunday deganlar:
كنت أفتل قلائد هدي رسول الله صلى الله عليه وسلم بيدي، ثم يبعث بها وما يمسك عن شيء، مما يمسك عنه المحرم، حتى ينحر هديه
"Men Payg‘ambarimizning (unga Allohning salovoti va salomi bo‘lsin) qurbonligiga taqiladigan tasmani o‘zim tayyorlardim. Rasululloh uni (Makkaga) yuborib, qurbonligi so‘yilmaguncha ihramdagilarga harom bo‘lgan narsalardan o‘zlarini tiymas edilar" [5].
O‘zbekiston musulmonlari idorasi Shariat va fatvo bo‘limi
[1] Muslim, №1977
[2] Ibn Abidin, “Raddul muxtor”, 3/66. “Al-Ishrof ‘ala mazhahibi al-ulama”, 3/412.
[3] Shavkoniy, “Naylul avtor”, 5/133.
[4] Tahaviy, “Sharhu ma‘ani al-osar”, 4/182.
[5] Muslim, №1321.
Bu material sun’iy intellekt yordamida tayyorlangan va muharrir tomonidan ko‘rib chiqilgan.