Uch oylarning dindagi o‘rni va bu oylarda ro‘za tutish hukmi nima?

Xalq orasida uch oylar deb ataladigan Rajab, Sha’bon va Ramazon oylar muborak oylardir. Rasululloh (s.a.v.) Rajab oyi kirganida “Allohim! Rajab va Sha’bonni biz uchun muborak qil va bizni Ramazonga yetkaz.” deb duo qilganlar. (Tabarânî, el-Mu‘cemü’l-evsat, 4/189 [3939]; Bayhaqiy, Shu‘abü’l-îmân, 5/348-349 [3534]) Ramazon oyida ro‘za tutish farzdir. (el-Baqara, 2/184-185) Rajab va Sha’bon oylarida esa, Rasululloh (s.a.v.) boshqa oylarga nisbatan ko‘proq nafl ro‘za tutganlari, biroq Ramazondan boshqa hech bir oyda to‘liq ro‘za tutmaganlari hadis manbalarida zikr etilgan. (Buxoriy, Savm, 52-53 [1969-1973]; Muslim, Siyam, 173-179 [1156-1157]; Abu Dovud, Savm, 54 [2428]; Ibn Moja, Siyam, 43 [1741]) Shunga ko‘ra, Rajab va Sha’bon oylarini uzluksiz ro‘zali o‘tkazishning diniy asosi yo‘q. Kishi, sog‘ligi imkon bersa va kuchi yetarli bo‘lsa, bu oylarda xohlaganicha nafl ro‘za tutishi mumkin.

Manba: T.C. Diyanet İşleri Başkanlığı, Din İşleri Yüksek Kurulu