Yalang'och oyoqqa mas'h tortish mumkinmi?

Ko‘r’oni Karimda tahorat haqida “Ey iymon keltirganlar! Namozga turadigan bo‘lsangiz, yuzlaringizni, tirsaklargacha qo‘llaringizni yuvinglar va -boshlaringizga mas’h tortib- tovonlaringiz bilan birga oyoqlaringizni yuvinglar.” (el-Maide, 5/6) deb buyurilgan.

Ehli sunna mazhablarining barchasi ushbu oyatda buyurilgan yuzni, tirsaklar bilan birga qo‘llarni va tovonlar bilan birga oyoqlarni yuvish farz ekani borasida ittifoq qilganlar. (Ibn Rushd, Bidâyetü’l-müctehid, 1/21-22)

Hazrati Payg‘ambar va sahobalarning tahorat olayotganda oyoqlarini yuvganliklari haqida mutawatir darajasiga yaqin hadislar (Buxoriy, Vudu’, 7, 24, 28, 38-39, 41-42 [140, 159, 164, 185-186, 191-192]; Muslim, Tahorat, 3-4, 18 [226, 235]; qarang: Kettaniy, Nazmü’l-mütenâsir, 59) oyoqlarni yuvish farzligiga dalildir. Bundan tashqari, Hazrati Payg‘ambar (s.a.v.) tahorat olayotganda oyoqlarini mas’h tortgandek yuvib, tovonlariga suv yetmagan kishilarni ko‘rganlarida, “Tovonlari do‘zaxda kuydiriladiganlarning holiga voy!” (Buxoriy, Vudu’, 27, 29 [163, 165]; Muslim, Tahorat, 25-30 [240-242]) deganlar. Yana Hazrati Payg‘ambar (s.a.v.) tahorat olib, oyog‘ida quruq joy qolgan bir kishi huzurlariga kelganida unga, “Qaytib tahoratingni to‘liq ol” (Muslim, Tahorat, 31 [243]) deganlari ham tahoratda oyoqlarni yuvish farzligiga dalildir.

Yuqorida keltirilgan dalillar, tahoratda yalang‘och oyoqqa mas’h tortish joiz emasligini ko‘rsatadi.

Manba: T.C. Diyanet İşleri Başkanlığı, Din İşleri Yüksek Kurulu