Yuvilib kafanga o‘ralgandan so‘ng marhumning yuzini ochib ko‘rish joizmi?

Marhum yuvilib kafanga o‘ralgandan so‘ng uning yuzini ochib, yaqinlari va do‘stlari oxirgi bor ko‘rishlari yoki o‘pishlari joizdir. Chunki Payg‘ambarimiz (s.a.s.) Usmon ibn Maz‘un (r.a.)(Abu Dovud, Janoiz, 40 [3163]) va o‘g‘li Ibrohim vafot etganida (Buxoriy, Janoiz, 43 [1303]) shunday qilgani ma’lumdir. Shuningdek, Payg‘ambarimiz (s.a.s.) vafot etganida Abu Bakr (r.a.) ham uning yuzidan yopqichni ko‘tarib, so‘ng unga egilib, ikki qoshlari orasini hurmat bilan o‘pib, yig‘lagani hadis manbalarida rivoyat qilinadi. (Buxoriy, Janoiz, 3 [1241])

Ayol marhumning yuziga unga mahram bo‘lgan erkaklar va ayollar qarashlari joiz bo‘lsa-da, mahram bo‘lmagan erkaklarning zarurat bo‘lmasa qarashlari makruh hisoblanadi. Erkak marhumning yuziga ayollarning qarashida esa hech qanday muammo yo‘q. (Kasoniy, Badoyi‘, 1/304-305; Shirbiniy, Mug‘niy al-muhtoj, 2/46)

Manba: T.C. Diyanet İşleri Başkanlığı, Din İşleri Yüksek Kurulu